Azərbaycanda siqaretlərin bahalaşması ilə bağlı VACİB AÇIQLAMA
6-01-2021, 13:11. Разместил: azadses
Xəbər verdiyimiz kimi yanvarın 4-də Tarif Şurasının qərarı ilə benzinin qiyməti 1 manata, dizelin qiyməti isə 80 qəpiyə qaldırıldı. Artıq dünən bazarlarda qiymət artımının olması ilə bağlı iddialar da var. Bildirilir ki, siqaretlərin qiyməti 20-50 qəpik arası qaldırılıb. Azərbaycanda siqaret bahalaşa bilərmi?Bununla bağlı Sonxeber.az-ın sualını cavablandıran iqtisadçı-ekspert Akif Nəsirli bildirib ki, benzinin və dizelin bahalaşmasının siqaretin qiymətinə o qədər də təsiri yoxdur:
"Yalnız daşınmasına təsir ola bilər, o da cüzi formada. Bilirsiniz ki, siqaret çəkidə çox yüngüldür. Təbii ki, yanacağın qalxması siqaret kimi başqa məhsulların da qiymətinə təsir edəcək. Eyni zamanda, psixoloji cəhətdən süni bahalaşmalar da ola bilər. Ona görə müvafiq dövlət strukturları süni qiymət artımının qarşısını almaq üçün tədbirlərini gücləndirməlidir".
Вернуться назад