“Megastore” növbəti filialını açır: 200-dən çox vətəndaş işlə təmin olunacaq - FOTO
27-03-2022, 15:47. Разместил: admin
“Megastore” böyüməyə davam edir!“Grandmart” və “Bolmart” supermarketləri ilə yanaşı “Megastore” markası da inamla inkişaf etməkdədir.
Uğurla fəaliyyət göstərən üç filialın ardından növbəti Megastore filialı ölkəmizin gözəl guşələrindən olan Quba rayonunda fəaliyyətə başlayır.
6 min kvadrat metrlik ərazidə yerləşən Megastore supermarketi, minimum 60 min çeşiddə məhsulun satışını həyata keçirərək bölgənin ən böyük supermarketi ünvanına sahib olacaqdır.
Yeni açılacaq supermarketdə 200-dən çox vətəndaşın işlə təmin olunması planlaşdırılır ki, bununla da şirkət, regionlarda məşğulluğun təmin olunması üzrə dövlət proqramına önəmli dərəcədə dəstək vermiş olacaqdır.
Qeyd edək ki, “Megastore Quba” filialı “Grandmart”, “Bolmart”, “Megastore” və “Baqqal” markalarını özündə birləşdirən supermarketlər şəbəkəsinin 78-ci filialı olaraq xidmətə başlayacaqdır.
Hal-hazırda supermarketdə açılışa hazırlıq işləri davam edir və tezliklə xidmətə başlayacaqdır.
Xalqımıza və ölkə iqtisadiyyatımıza uğurlu olması diləyi ilə yeni mağazanız xeyirli və bərəkətli olsun!
Вернуться назад