Fəhlə hündürlükdən yıxılıb öldü
28-02-2022, 12:30. Разместил: admin
Tikintidə işləyən fəhlə hündürlükdən yıxılaraq ölüb.Suraxanı rayon prokurorluğundan "Azadsəs.az"a bildirilib ki, fevralın 27-də rayon ərazisində Biləsuvar sakini Tərlan Əlizadənin hündürlükdən yıxılaraq xəsarət alması və aldığı xəsarətlərdən ölməsi barədə prokurorluğa məlumat daxil olub.
Araşdırmalarla müəyyən edilib ki, “North East Construction” MMC-nin Qaraçuxur qəsəbəsində inşa etdiyi hündürmərtəbəli binanın tikintisində fəhlə işləyən Tərlan Əlizadə iş vaxtı hündürlükdən yıxılaraq aldığı çoxsaylı xəsarətlərdən hadisə yerində ölüb.
Faktla bağlı Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb. İstintaq hərəkətləri davam etdirilir.
Вернуться назад