Avropa Liqasında III təsnifat mərhələsininin ilk oyunları keçirildi
5-08-2022, 14:47. Разместил: admin
UEFA Avropa Liqasında 2022/2023 mövsümünə start verilib.Tturnir III təsnifat mərhələsininin ilk oyunları ilə başlayıb. Bu raundda 14 komandanın iştirakı ilə 7 görüş baş tutub.
Artıq xəbər verdiyimiz kimi, gecənin maraqla gözlənilən matçlarından biri Türkiyədə gerçəkləşib. “Fənərbağça” Çexiyanın “Slovaçko” komandasını darmadağın edib - 3:0.
Çempionlar Liqasının III təsnifat mərhələsində mübarizə aparan Azərbaycan təmsilçisi “Qarabağ”ın Avropa Liqasının pley-offundakı potensial rəqibləri olan İrlandiyanın “Şemrok Rovers” və Şimali Makedoniyanın “Şkupi” klubları Dublində üz-üzə gəliblər. Qarşılaşma meydan sahiblərinin 3:1 hesablı qələbəsi ilə başa çatıb.
Qeyd edək ki, “Köhlən atlar” ÇL-də Macarıstan “Ferentsvaroş”unu keçə bilməsə, bu cütün qalibi ilə qarşılaşacaq.
UEFA Avropa Liqası
III təsnifat mərhələsi, ilk oyunlar
4 avqust
AEK (Larnaka, Kipr) - "Partizan" (Serbiya) - 2:1
Qollar: Anhel Qarsiya, 34. Xrvoe Miliçeviç, 70 - Kvensi Meniq, 18
"Malmö" (İsveç) - "Düdelanj" (Lüksemburq) - 3:0
Qollar: İsaak Telin, 51. Ula Toyvonen, 81. Belko Birmançeviç, 85
Qırmızı vərəqə: Şarl Morren, 31 ("Düdelanj")
"Fənərbağça" (Türkiyə) - "Slovaçko" (Çexiya) - 3:0
Qollar: Emre Mor, 17. Linkoln Enrike, 45+2; 81
Qırmızı vərəqə: Stanislav Hofman, 48 ("Slovaçko")
"Maribor" (Sloveniya) - HİK (Helsinki, Finlandiya) - 0:2
Qollar: Devid Braun, 47. Boyan Raduloviç, 64
"Linfild" (Şimali İrlandiya) - "Sürix" (İsveçrə) - 0:2
Qollar: Tosin Ayequn, 8. Vilfred Qnonto, 64
"Şemrok Rovers" (İrlandiya) - "Şkupi" (Şimali Makedoniya) - 3:1
Qollar: Qrehem Burk, 13 (penalti). Dilan Uotts, 29. Qari Onill, 90+7 - Keven, 77
Qırmızı vərəqə: Valid Həmidi, 84 ("Şkupi")
"Olimpiakos" (Yunanıstan) - "Slovan" (Bratislava, Slovakiya) - 1:1
Qollar: Yusuf El-Arabi, 87 - Andre Qrin, 63
Qeyd edək ki, bu mərhələnin cavab görüşləri avqustun 11-də keçiriləcək.
Вернуться назад