Əsassız pensiya və müavinətlərin kəsilməsi nəticəsində yüz milyonlarla manata qənaət edilib
1-11-2022, 16:46. Разместил: admin
Nominal pensiya xərclərinin optimallaşdırılması nəticəsində qənaət edilən vəsaitin illər üzrə həcmi məlum olub.APA-nın xəbərinə görə, 2018-ci ilin ikinci rübündən başlayaraq, nominal pensiya xərclərinin optimallaşdırılması nəticəsində 2018-ci ilin birinci rübü üzrə pensiyaların maliyyələşdirilməsi üzrə xərclərin orta aylıq göstəricisi 278,8 milyon manatdan həmin ilin may-dekabr ayları üzrə 275,6 milyon manata salınıb, ilin səkkiz ayında pensiya xərclərinə nominal baxımdan 25,61 milyon manat qənaət edilib. Nominal pensiya xərclərinin optimallaşdırılmasının yaratdığı məcmu qənaətin 2018-ci ilin illik pensiya xərcinə nisbəti 0,73% təşkil edib.
2019-cu ildə nominal pensiya xərcləri üzrə qənaət 2018-ci il üzrə illik nominal pensiya xərcləri ilə müqayisədə daha da optimallaşdırılaraq (əvvəlki dövrlər üçün ödənilən vəsaitlərin ödənişinə nəzarətin daha da gücləndirilməsi, məhkəmə mübahisələrinin DSMF-nin xeyrinə həlli ilə bağlı irəliləyişlərin əldə edilməsi, əsassız (saxta) pensiya işlərinin dayandırılması və ya ləğvi, aparılmış nəzarət-yoxlama tədbirlərinin gücləndirilməsi) 107,5 milyon manata çatdırılıb.
Əgər 2018-ci ilin birinci rübündə aylıq nominal pensiya xərcləri orta hesabla 278,8 milyon manat təşkil edirdisə, 2019-cu ilin dekabr ayında bu göstərici 265,44 milyon manat təşkil edib, təkcə dekabr ayı üzrə aylıq pensiya xərclərindəki qənaət 13,36 milyon manata bərabər olub.
2019-cu ildə nominal pensiya xərclərinin optimallaşdırılmasının yaratdığı məcmu qənaətin həmin il üzrə illik pensiya xərclərinə nisbəti 2,87% təşkil edib.
2020-ci ildə 2018-ci illə müqayisədə nominal pensiya xərcləri üzrə qənaət 220,9 milyon manat, 2019-cu illə müqayisədə 113,38 milyon manat olub. Nominal pensiya xərclərinin optimallaşdırılmasının 2018-ci illə müqayisədə yaratdığı qənaətin məcmusunun 2020-ci ilin pensiya xərclərinə nisbəti 4,94% təşkil edib.
2021-ci ildə nominal pensiya xərcləri üzrə qənaət 2018-ci illə müqayisədə 549,17 milyon manat, 2020-ci illə müqayisədə isə 328,28 milyon manat təşkil edib. 2021-ci ildə qənaətin məbləğinin kəskin artması başlıca səbəb olaraq əsassız əlilliyin ləğvi ilə əlaqələndirilməkdədir. 2022-ci ilin yanvar-avqust ayları üzrə nominal pensiya xərcləri üzrə təmizləmə 2018-ci ilin göstəriciləri ilə müqayisədə 495,31 milyon manat, 2021-ci ilin müvafiq dövrü ilə müqayisədə isə 170,75 milyon manat olub. Ümumilikdə 2018-ci ilin 1 aprel tarixindən 2022-ci ilin 1 sentyabr tarixinədək nominal təmizləmə üzrə qənaət göstəricisi 745,51 milyon manat, indeksləşmə göstəriciləri nəzərə alınmaqla isə 820,82 milyon manat təşkil edib.
Вернуться назад