"İkinci mərhələdə görünməyən düşmənlər fəaliyyətə başlayıb" - Siyavuş Novruzov
15-12-2020, 11:59. Разместил: azadses
“Müharibənin hərbi hissəsini biz artıq başa vurduq. İkinci hissədə Milli Məclis və onun deputatları, diaspor təşkilatları, blogerlər, sosial şəbəkə iştirakçıları, mədəniyyət xadimləri aktiv olmalıdır”.''Azad Səs'' Pravda.az-a istinadən xəbər verir ki, bunu Milli Məclisin bu gün keçirilən iclasında deputat Siyavuş Novruzov deyib.
Deputat bildirib ki, əsgərlərimiz görünən düşmənlə vuruşurdu: “Artıq ikinci mərhələdə görünməyən düşmənlər fəaliyyətə başlayıb. Biz erməni vəhşiliyini dünya ictimaiyyətinə təqdim etməli, həmçinin də Azərbaycanın qələbəsini dünyaya çatdırmalıyıq. Pikassonun "Keramika" əsəri var. Yazıçı bir əsərlə Keramika şəhərinin dağıdılmasını bütün dünyaya çatdıra bildi. Bizim yaradıcı şəxlər də bu işdə aktiv rol oynamalıdır”.
Вернуться назад