Ermənistan Qarabağ müharibəsində itkilərinin sayının artdığını açıqladı
3-01-2021, 10:27. Разместил: azadses
Ermənistanın Səhiyyə Nazirliyi Qarabağ müharibəsində ölənlərin sayı ilə bağlı son statistikanı açıqlayıb.“Azad Səs” xəbər verir ki, bu barədə Səhiyyə Nazirliyinin mətbuat katibi Alina Nikoqosyan sosial şəbəkədəki hesabında bildirib.
Səhiyyə Nazirliyinin rəsmisi müharibədə 3 300-dən çox hərbi qulluqçunun həlak olduğunu açıqlayıb. Nazirlik rəsmisi qeyd edib ki, bunlar meyitləri məhkəmə-tibbi ekspertizasından keçənlərdir.
"Məhkəmə-tibbi ekspertizasından həlak olmuş 3 300 hərbi qulluqçunun meyiti keçirilib", - Ermənistanın Səhiyyə Nazirliyinin mətbuat katibi Alina Nikoqosyan feysbuk səhifəsində qeyd edib.
Bütün bunlar Ermənistanın Qarabağ müharibəsindəki itkilərinin sayının durmadan artdığını göstərir. Qeyd edək ki, hazırda ermənilər hərbi əməliyyatların keçirildiyi ərazilərdə itkin düşən hərbçilərin axtarışlarını davam etdirirlər.
Daha əvvəl Ermənistanın Səhiyyə Nazirliyi Qarabağ müharibəsində 3 000-ə yaxın insan itkisinin olduğunu etiraf etmişdi. Mətbuat katibi Alina Nikoqosyan bildirib ki, müharibə zamanı öldürülmüş 2 966 erməni hərbi qulluqçunun meyitinin tibbi məhkəmə ekspertizasını keçirilib.
Yerli mətbuat Qarabağ müharibəsində ölənlərin, yaralıların, itkin düşənlərin və əsirlərin sayı barədə bu günə kimi rəsmi məlumat verilmədiyini vurğulayıb. Bir sıra hərbi ekspertlər, Vatikanın Ermənistandakı keçmiş səfiri Mikael Minasyan müharibədə azı 4 750 nəfərin həlak olduğunu etiraf edirlər.Report
Вернуться назад