“Əsas vəzifəmiz keçmiş köçkünləri buraya qaytarmaqdır”
“Biz döyüşərək, qan tökərək, şəhidlər verərək doğma diyarımızı erməni işğalından azad etdik və Qarabağa qayıtdıq. Biz artıq burada yerləşmişik, biz buraya qayıtmışıq, doğma diyarımıza qayıtmışıq”. “Azadsəs.az” xəbər verir ki, bunu Prezident İlham Əliyev Azərbaycan xalqına təbrikində deyib.
Dövlət başçısı bildirib ki, bütün Qarabağ və Şərqi Zəngəzur bölgəsində genişmiqyaslı abadlıq işləri aparılır: “Şəhərlər yenidən qurulur, kəndlər yenidən salınır. Əlbəttə ki, bizim əsas vəzifəmiz keçmiş məcburi köçkünləri tezliklə bu doğma diyara qaytarmaqdır”.
