Bakıda temperatur normadan 4° aşağı düşdü FAKTİKİ HAVA
- 23-11-2019, 12:16
- Cəmiyyət
Ölkə ərazisində qar yağan regionların adları açıqlanıbÖlkədə müşahidə edilən faktiki hava şəraiti açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, noyabrın 23-ü saat 10:00-a olan məlumatına əsasən, ölkə ərazisində qeyri-sabit hava şəraiti davam edib, yağış, dağlıq və dağətəyi rayonlarda qar yağıb, bəzi yerlərdə intensivləşib.
Düşən yağıntının miqdarı Lənkəranda 55 (aylıq normanın 32%-i), Astarada 31, Neftçalada 19 (aylıq normanın 42%-i), Nabranda 18, Lerikdə 15, Qusar, Beyləqanda 13, Oğuzda 12, Şabran, Göyçayda 11, Yardımlı, Kişçayda 10, Quba, Qəbələ, İmişlidə 9, Altıağac, Xaçmaz, İsmayıllı, Tərtərdə 8, Ağsu, Zərdabda 7, Biləsuvar, Sarıbaş, Şəki, Biləsuvar, Yevlax, Kürdəmir, Sabirabadda 6, Mingəçevir, Bərdədə 5, Şamaxı, Mərəzə, Qrız, Zaqatala, Göygöldə 4, Cəfərxan, Salyan, Daşkəsəndə 3, Xınalıq, Qazıməmməd, Gəncə, Ceyrançöl, Ağstafada 2, Sumqayıtda 15 (aylıq normanın 54%-i), Bakıda 6 (aylıq normanın 21%-i), Binə, Maştağada 5, Zabratda 2 mm təşkil edib.
Qar örtüyünün hündürlüyü Altıağacda 22, Lerik, Sarıbaşda 20, Kişçayda 18, Qrız, Qusarda 16, Xınalıqda 9, Qubada 7, Mərəzədə 5, Xaltanda 4, Qəbələdə 3, Oğuzda 2, Zaqatala, Daşkəsəndə 1 sm-ə çatıb.
Hazırda Bakıda havanın temperaturu iqlim normasından 4° aşağıdır. Havanın minimal temperaturu dağlıq rayonlarda 3-8°, yüksək dağlıq ərazilərdə 14-18° şaxta təşkil edib.
