Çində bazarda partlayış: 11 ölü, 144 yaralı
- 13-06-2021, 18:26
- Dünya
Çinin Xubey əyalətinin Şiyan şəhərində partlayış zamanı azı 11 nəfər həlak olub, daha 144 nəfər yaralanıb.Bu barədə ölkənin Mərkəzi Televiziyası məlumat yayıb.
Qeyd edilir ki, hadisə Çjanvan rayonunda, ərzaq bazarının olduğu yaşayış kompleksində qeydə alınıb. Hadisəyə qaz sızması səbəb olub. Partlayış dalğası 40-a yaxın ticarət köşkünü dağıdıb.
Bazar partlayış zamanı artıq fəaliyyətdə imiş, xeyli adam səhər yeməyi yeyirmiş.
Telekanalın məlumatına görə, xilasedicilər dağıntılar altından 144 yaralını çıxarıblar, onların hamısı xəstəxanalara yerləşdirilib. Yaralılardan 37-si ağır vəziyyətdədir.
Hadisə zamanı 11 nəfər həlak olub.
