Əfqanıstandan Türkiyəyə uçuşlar bərpa edilir
- 21-11-2021, 21:23
- Dünya

“Azadsəs.az” xəbər verir ki, bu barədə Əfqanıstan Milli Olimpiya Komitəsinin rəhbəri Nazar Məhəmməd Motmain Tvitter hesabında paylaşım edib.
“Ariana Afghan Airlines” Ankaraya uçuşlara başladı. Yaxşı irəliləyişdir”, - o bildirib.
Ankaranın Esenboğa Beynəlxalq Hava Limanının onlayn tablosuna əsasən, Kabil layneri yerli vaxtla saat 17.30-da Türkiyə paytaxtına enib.
Xatırladaq ki, son üç ayda Əfqanıstan paytaxtından bir sıra beynəlxalq reyslər ölkədəki hakimiyyət dəyişikliyi səbəbindən dayandırılıb.