ABŞ 1468 hərbi təyyarəni istismardan çıxaracaq
- 17-04-2022, 09:17
- Dünya

Bunu Senatın Silahlı Qüvvələr Komitəsində büdcə dinləmələri zamanı senator Deb Fişer deyib.
Onun sözlərinə görə, növbəti 5 il ərzində müasir müharibə üçün köhnəlmiş təyyarələrin istismardan çıxarılması prosesi həyata keçiriləcək. Həmçinin, istismardan çıxarılan təyyarələrin əvəzinə 467 yeni təyyarə alınacaq.
Bununla da, ABŞ Hərbi Hava Qüvvələrinə məxsus təyyarələrin sayı 1001 vahid azalacaq.
Qeyd edək ki, hazırda Hərbi Hava Qüvvələri və ABŞ Milli Qvardiyasının ixtiyarında 5501 təyyarə var.