Ukrayna Aİ-dən 500 milyon avro məbləğində ilk makromaliyyə tranşını əldə etdi
Ukrayna Avropa İttifaqından 500 milyon avro məbləğində müstəsna makromaliyyə yardımının birinci tranşını əldə etdi. Daha 500 milyon dəyərində ikinci tranşın çərşənbə axşamı gəlməsi gözlənilir.Bu barədə Ukrayna Baş naziri Denis Şmıxal öz “Telegram” kanalında məlumat verib.
“Avropa İttifaqı Ukraynaya 1 milyard avro müstəsna makromaliyyə yardımı göndərib. 500 milyon avroluq birinci tranş artıq Milli Bankın hesabına köçürülüb. İkinci tranşın sabah gəlməsini gözləyirik”, - deyə Şmıxal qeyd edib.
O xatırladıb ki, 1 milyard avro Ukraynaya müharibənin maliyyə nəticələrinin aradan qaldırılması məqsədilə verilən ümumilikdə 9 milyard avroluq böyük dəstək paketinin bir hissəsidir.
Baş nazir vurğulayıb ki, vəsait prioritet büdcə ehtiyaclarının maliyyələşdirilməsinə kömək edəcək.
