Taxıl dəhlizi: Ərzaq dolu daha yeddi gəmi Ukraynadan yola çıxdı
- 23-10-2022, 20:27
- Dünya
Odessanın “Yujnı” və “Çernomorsk” limanlarından 100 min tondan çox kənd təsərrüfatı məhsulu daşıyan yeddi gəmi yola düşüb.Bu barədə Ukrayna İnfrastruktur Nazirliyi məlumat yayıb.
“Bu gün BMT-nin Ümumdünya Ərzaq Proqramı tərəfindən icarəyə götürülmüş “Pangeo” yükdaşıyıcı gəmisi Çornomorsk limanını tərk edib. O, Yəmənə 40 min ton buğda aparır”, - məlumatda bildirilib.
Həmçinin, taxıl dəhlizi təşəbbüsü çərçivəsində Ukrayna limanlarından 124,3 min ton kənd təsərrüfatı məhsulları daşıyan daha 6 gəmi çıxıb. Məhsulların Asiya və Avropa ölkələrinə daşındığı qeyd olunub.
Xatırladaq ki, avqustun 1-dən bu günədək gəmilər vasitəsilə Afrika, Asiya və Avropa ölkələrinə 8,5 milyon tondan çox kənd təsərrüfatı məhsulu daşınıb.
