ABŞ-də evsiz vətəndaşların sayı rekord həddə çatıb
- Dünən, 14:44
- Dünya
"Report"un məlumatına görə, bu barədə ABŞ-nin Mənzil və Şəhərsalma Departamenti xəbər yayıb.
Qurumun hesabatında qeyd olunuru ki, 2024-cü ilin yanvarında ölkədə 771 480 nəfər bir gecədə evsiz qalıb ki, bu da illik hesablamada 18 % artım deməkdir. Müqayisə üçün qeyd edək ki, 2023-cü ilin yanvarında ABŞ-də evsiz qalan və küçədə, müvəqqəti sığınacaqlarda və ya avtomobillərdə yaşamağa məcbur olan insanların sayı 650 mini keçib.
Sənəddə o da qeyd olunur ki, 2024-cü ildə uşaqlı ailələrdə evsizlərin sayı 39 % artaraq 259 473 nəfərə çatıb.
Məlumata görə, evsizlərin sayının artması əlverişli mənzil çatışmazlığı, inflyasiya, maaş artımının durğunluğu kimi amillərlə bağlıdır. Bundan əlavə, səhiyyə böhranı və təbii fəlakətlər vəziyyətə mənfi təsir göstərib.
