Buryatiya Respublikasında meşə yanğınlarının sahəsi bir gündə iki dəfədən çox artıb
- Bu gün, 14:00
- Dünya
“Report” TASS-a istinadən xəbər verir ki, bu barədə Respublikanın Meşə Təsərrüfatı Agentliyi məlumat yayıb.
"Əməliyyat məlumatlarına əsasən, mayın 9-da səhər saatlarında Bauntovski Evenki və Yeravninski rayonlarında ümumi sahəsi 24 698 hektar olan 18 meşə yanğını baş verib", - agentlikdən bildirilib.
Ötən gün respublika ərazisində 10 539 hektar ərazini əhatə edən 21 meşə yanğını qeydə alınıb.
"Son 24 saat ərzində Cidinski, Yeravninski, Zaiqrayevski, Kabanski və Kyaxtinski rayonlarında 6 yanğın söndürülüb", - qurum dəqiqləşdirib. Hazırda yanğınla 403 nəfər - meşə mühafizəsi xidmətinin, mülki şəxslər əməkdaşları mübarizə aparır. Yanğın ərazilərinə 94 ədəd meşə yanğınsöndürmə texnikası cəlb olunub.
