“Ermənistan Cənubi Qafqazda sülhə aparan yolda əsas maneədir” - Ərdoğan
- 23-09-2020, 08:44
- Dünya
İyul ayında Azərbaycan ərazilərinə hücum edən Ermənistan Cənubi Qafqazda möhkəm sülhə və sabitliyə aparan yolda ən əsas maneə olduğunu bir daha sübut etdi.“Qafqazinfo” “Anadolu” agentliyinə istinadən xəbər verir ki, bu barədə Türkiyə Prezidenti Rəcəb Tayyib Ərdoğan BMT Baş Assambleyasının videokonfrans rejimində keçən 75-ci sessiyasının iştirakçılarına müraciətində bildirib.
“Biz Birləşmiş Millətlər Təşkilatının və ATƏT-in qətnamələrinə uyğun olaraq, Azərbaycanın və Gürcüstanın ərazi bütövlüyü və suverenliyinə hörmət edərək, regionda münaqişələrin, xüsusən Dağlıq Qarabağdakı münaqişənin tezliklə aradan qaldırılmasının tərəfdarıyıq”, - türkiyəli lider deyib.
