Bakıda çoxmərtəbəli binada yanğın başlayıb
- 5-12-2020, 16:48
- Hadisə
Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nizami rayonunda 18 mərtəbəli yaşayış binasında yanğın olması barədə məlumat daxil olub.Bu barədə ''Azad Səs''-ə FHN-in Mətbuat Xidmətindən məlumat verilib.
Nazirliyin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri yanğının baş verdiyi əraziyə cəlb olunub.
İlkin məlumata əsasən, binanın şaxtasında elektrik naqilləri yanır.
Hazırda yanğınsöndürmə işləri və digər təxirəsalınmaz xilasetmə tədbirləri həyata keçirilir.
Əlavə məlumat veriləcək.
