"Neftçi"dən göndərilən hücumçu Fransa klubuna keçdi
- 30-01-2021, 09:34
- İdman
Qış fasiləsində "Neftçi"dən ayrılan konqolu futbolçu Prins İbara karyerasını Fransada davam etdirəcək.''Azad Səs'' "Report"-a istinadən xəbər verir ki, müqavilə ilə Belçika "Berşot"una məxsus olan 25 yaşlı hücumçu icarə əsasında "Şatoru" komandasına keçib.
Afrikalı forvard Liqa 2 təmsilçisi ilə 2020/2021 mövsümünün sonunadək sözləşmə imzalayıb.
Qeyd edək ki, Prins İbara cari mövsümün ilk yarısını "Neftçi"də icarə əsasında keçirib. O, 7 oyuna 1 qol vurub.
