“İnter” Eriksenin yerinə türkiyəli ulduzu transfer etdi
Türkiyə millisinin və “Milan”ın ulduz futbolçusu Hakan Çalhanoğlunun yeni klubunun adı bəlli olub.Bu barədə “Spor Arena” yazıb.
Ulduz futbolçu digər İtaliya nəhəngi “İnter”lə razılığa gəlib. Futbolçu “İnter”də illik beş milyon avro qazanacaq. H.Çalhanoğlu klubla 3+1 illik müqavilə imzalayacaq.
Ulduz futbolçunun sabah Milan şəhərinə gedəcəyi və tibbi müayinədən keçəcəyi qeyd olunur.
“İnter”in Hakan Çalhanoğlunu səhhətində problemlər yaranan Kristian Eriksenin yerinə transfer etdiyi qeyd olunur.
