"Neftçi" "Qalatasaray"a rəqib ola bilər
- 28-08-2020, 10:31
- İdman
UEFA Avropa Liqasında II təsnifat mərhələsində mübarizə aparacaq 72 komandadan 70-i müəyyənləşib."Report" xəbər verir ki, onlardan 45-i I mərhələnin qalibi, 25-i isə mübarizəyə birbaşa II raunddan qoşulanlardır. Onların arasında Azərbaycan təmsilçilərindən yalnız "Neftçi" olacaq. Flaqman I mərhələdə Şimali Makedoniya “Şkupi”sini mübarizədən kənarlaşdırıb - 2:1.
"Ağ-qaralar" püşkatma zamanı daha aşağı reytinqlilərdən ibarət səpələnməmişlər səbətində olacaq. Bu isə “ağ-qaralar”ın güclü komandalardan reytinqcə daha üstün komandalardan birinə rəqib olacağı deməkdir. Potensial rəqiblər arasında İngiltərənin “Tottenhem”, İtaliyanın “Milan”, Türkiyənin "Qalatasaray", Almaniyanın “Volfsburq” komandaları da var.
Qeyd edək ki, Avropa Liqasında II təsnifat mərhələsinin püşkü avqustun 31-də atılacaq. Püşkatma Bakı vaxtı ilə saat 15:00-da başlanacaq. Həmin gün saat 14:00-da isə "Qarabağ"ın Çempionlar Liqasının III təsnifat mərhələsindəki rəqibi müəyyənləşəcək. Sentyabrın 1-də isə müvafiq saatlarda Çempionlar Liqasın pley-off və Avropa Liqasının III təsnifat mərhələsinin püşkü atılacaq.
Avropa Liqası
II təsnifat mərhələsi
Səpələnmişlər
“Tottenhem” (İngiltərə)
“Bazel” (İsveçrə)
“Kopenhagen” (Danimarka)
“Volfsburq” (Almaniya)
APOEL (Kipr)
BATE (Belarus)
“Qalatasaray” (Türkiyə)
“Malmö” (İsveç)
“Partizan” (Serbiya)
“Standard” (Belçika)
“Styaua” (Rumıniya)
“Qranada” (İspaniya)
“Milan” (İtaliya)
“Reyncers” (Şotlandiya)
“Hapoel” (Beer-Şeva, İsrail)
“Rusenborq” (Norveç)
“Apollon” (Kipr)
“Reyms” (Fransa)
“Fehervar” (Macarıstan)
“Riu Ave” (Portuqaliya)
“Dinamo” (Moskva, Rusiya)
“Slovan” (Liberets, Çexiya)
“Hayduk” (Split, Xorvatiya)
“Şkendiya” (Şimali Makedoniya)
“Kolos” (Ukrayna)
“Villem” (Niderland)
TNS (Uels)
“Yablonets” (Çexiya)
“Lex” (Polşa)
“Hartberq” (Avstriya)
“Aberdin” (Şotlandiya)
“Zrinski” (Bosniya və Herseqovina)
“Kayrat” (Qazaxıstan)
“Jalgiris” (Vilnüs, Litva)
“Orxus” (Danimarka)
“Motervell” (Şotlandiya)
Səpələnməmişlər
“Kukesi” (Albaniya)
“Servett” (İsveçrə)
“Aris” (Yunanıstan)
OFİ (Yunanıstan)
“Ventspils” (Latviya)
“Olimpiya” (Lyublyana, Sloveniya)
“Linkoln” (Cəbəllütariq)
“Topola” (Serbiya)
“Osiyek” (Xorvatiya)
“Höteborq” (İsveç)
“Hammarbü” (İsveç)
“Budyo Qlimt” (Norveç)
“Vikinq” (Norveç)
“Proqress” (Lüksemburq)
“Riteryay” (Litva)
MOİK (Sofiya, Bolqarıstan)
“Honved” (Macarıstan)
“Kaysar” (Qazaxıstan)
“NEFTÇİ” (AZƏRBAYCAN)
B-36 (Farer adaları)
“Lokomotiv” (Plovdiv, Bolqarıstan)
“Botoşani” (Rumıniya)
“Pyast” (Polşa)
“Teuta” (Albaniya)
“Renova” (Şimali Makedoniya)
“Borats” (Bosniya və Herseqovina)
“Lokomotivi” (Gürcüstan)
“Laçi” (Albaniya)
“Hibernians” (Malta)
“Dunayska Streda” (Slovakiya)
“Bala Taun” (Uels)
“Sfantul George” (Moldova)
“Şemrok Rovers” (İrlandiya)
“Kolreyn” (Şimali İrlandiya)
“Nomme Kalyu” (Estoniya) - "Mura" (Sloveniya) cütünün qalibi
“Makkabi” (Hayfa, İsrail) - “Jelezniçar” (Bosniya və Herseqovina) cütünün qalibi
