AAYDA rəsmisi: Ağsuçay vadisində 1186 metrlik unikal avtomobil körpüsünün tikintisi davam etdirilir
- 27-05-2025, 15:42
- İqtisadiyyat
"Report"un İsmayıllıya ezam olunmuş əməkdaşının məlumatına görə, bunu Prezidentin izi ilə təşkil olunan mediatur çərçivəsində Azərbaycan Avtomobil Yolları Dövlət Agentliyinin (AAYDA) şöbə rəisi Asim Məmmədli jurnalistlərə açıqlamasında deyib.
Onun sözlərinə görə, Muğanlı-İsmayıllı-Qəbələ avtomobil yolunun inşası zamanı yaşıllıq zonaya heç bir zərər vurulmayacaq:
“Vətəndaşların rahat və sərbəst hərəkətinin təmin edilməsi məqsədilə Prezident İlham Əliyevin tapşırıqlarına əsasən, Azərbaycanın dörd bir yanında yol infrastrukturunun müasirləşdirilməsi davam etdirilir. əkdədir. Muğanlı-İsmayıllı-Qəbələ avtomobil yolunun da yenidən qurulması layihəsi bunun barız nümunəsidir.
Əsası ötən əsrin 70-ci illərində qoyulan bu avtomobil yolunun ümumi uzunluğu 85,6 km təşkil edir. Yol sürüşməyə meyilli dağ yamaclarından keçdiyi üçün sürüşmə hallarının yaranmasına zəmin yaranır və yolda müəyyən zamanlarda fasilələr yaranırdı.
Yolun yenidən qurulması zamanı bu kimi amillər xüsusilə diqqətə alınıb və sürüşməyə qarşı tədbirlər həyata keçirilib. Bünövrələrin, istinad divarlarının, eləcə də xüsusi sement məhlulunun 14 metr dərinliyində qrunta vurulmasını bu tədbirlərə misal göstərə bilərik”.
A.Məmmədli qeyd edib ki, yolun tikinti işlərinin yekunlaşması bu ilin sonlarına, körpü və tunel işinin yekunlaşması isə növbəti ilə planlaşdırılır:
“Onu da deyim ki, hazırda Ağsuçay vadisində unikal avtomobil körpüsünün tikintisi işləri davam etdirilir. Körpünün uzunluğu 1186 metr, çay səviyyəsindən hündürlüyü isə 78 metr təşkil edir. Qarşıdakı dağlıq tərəfdə isə yol uzunluğu 885 metr olan nəqliyyat tuneli vasitəsilə davam etdiriləcək.
Tunelin inşasında önəmli bir nüansı qeyd edim ki, tunelin inşası zamanı yaşıllıq zonaya heç bir zərər vurulmayacaq. Yolun tikinti işlərinin yekunlaşması bu ilin sonlarına, körpü və tunel işinin yekunlaşması isə növbəti il üçün nəzərdə tututlub”.
