ATU-nun iki klinikasında 57 həkim koronavirusa yoluxub
- 7-07-2020, 11:48
- Manset
Azərbaycan Tibb Universitetinin pandemiyaya qarşı mübarizə aparan iki klinikasında ümumilikdə 57 nəfər tibb işçisi koronavirusa yoluxub. Azad Səs-in məlumatına görə, bu barədə universitetin mətbuat xidmətinin rəhbəri Günel Aslanova bildirib. O qeyd edib ki, Tədris Cərrahiyyə Klinikasında 33 nəfər tibbi personal COVID-19 a yoluxub: “Onlardan 6-sı müalicə alaraq evə buraxılıb. 21 nəfər reanimasiya şöbəsinin həkimləridir. 27 nəfər həkim hazırda koronavirusdan müalicə alır. Onlardan 6 nəfərin vəziyyəti ağırdır. Digər həkimlərin vəziyyəti isə normaldır.
Tədris Terapevtik Klinikasında isə 24 tibbi personal koronavirusa yoluxub. Onların içərisində həkimlər, tibb bacıları və sanitar işçilər var. Həmin şəxslərdən sağalıb işinə qayıdanlar da var. Eyni zamanda bir neçə şəxsin müalicəsi hələ davam etməkdədir”.
