Livan dünya dövlətlərini İsrailin hücumunun nəticələri barədə xəbərdarlıq edib
“Report” xəbər verir ki, bunu Livanın xarici işlər naziri vəzifəsini icra edən Abdalla Bu Həbib deyib.
Onun sözlərinə görə, İsrailin Livana hücumu baş verərsə, bu, xarici oyunçuların iştirak edəcəyi regional müharibəyə səbəb ola bilər:
“Münaqişə təkcə Livan və İsrail üçün deyil, bəlkə də qonşu Suriya və İordaniya üçün dağıdıcı nəticələrə səbəb olacaq, dəhşətli olacaq”.
Nazir əlavə edib ki, Livan hökuməti İsraillə sərhəddə sabitliyi bərpa etməyə və mövcud sərhəd mübahisələrini danışıqlar yolu ilə həll etməyə sadiqdir:
“Bir-birini öldürmək ən yaxşı həll yolu deyil, təhlükəsizliyi təmin etməyəcək, dialoq və sakitliyə ehtiyac var. Beynəlxalq vasitəçilər Livan-İsrail sərhədində hərbi gərginliyi azaltmağa yönəlmiş diplomatik səylərini davam etdirirlər”.
