İsrailin hava hücumunda azı 45 nəfər həlak olub

İsrail hərbi hava qüvvələrinə məxsus təyyarələr Qəzza zolağındakı iki bölgəyə endirdiyi hava zərbələri nəticəsində azı 45 fələstinli həlak olub.

“Report” xəbər verir ki, bu barədə Fələstinin WAFA agentliyi məlumat yayıb.

Belə ki, İsrailin döyüş təyyarələri Xan-Yunis şəhəri yaxınlığında yerləşən Əl-Məvasi humanitar zonası adlanan ərazidə ərzaq anbarlarının ətrafını bombalayıb. Nəticədə azı 20 nəfər həlak olub, mərmi partlayışlarının baş verdiyi əraziyə yaxın olan onlarla ərəb qəlpə yaraları alıb.

İsrail hərbi hava qüvvələrinin Qəzza zolağının paytaxtının şimalındakı Şeyx-Radvan məhəlləsində bir neçə yaşayış binasını hədəf alan növbəti hücumunda 25 fələstinli həlak olub.

Qeyd olunub ki, reyd zamanı onlarla insan yaralanıb və bir neçə yerli sakin hələ də hava hücumu zamanı dağılmış binaların dağıntıları altında qalıb.