ABŞ Niderlandı 807 milyon dollar məbləğində 226 “hava – hava” raketləri ilə təmin edəcək
“Report” xəbər verir ki, bu barədə Dövlət Departamenti və hökumətlərarası müqavilələr üzrə xaricə hərbi texnika tədarükünə cavabdeh olan Pentaqonun struktur bölməsi olan profil hökumət qurumu məlumat verib.
Amsterdam ilə razılaşmalar çərçivəsində texniki yardımın göstərilməsi, təlimlərin keçirilməsi, həmçinin maddi-texniki təminatın digər müvafiq elementləri nəzərdə tutulub.
Dövlət Departamenti və Pentaqona görə, satış “NATO üzrə müttəfiqin təhlükəsizliyini gücləndirməklə ABŞ-nin xarici siyasət və milli təhlükəsizlik məqsədlərinə nail olmağa kömək edəcək”. Vaşinqton bildirir ki, sövdələşmə regionda “əsas hərbi balansı dəyişməyəcək”. Sənəddə qeyd olunur ki, satış nəticəsində “Amerika müdafiə sisteminin döyüş hazırlığına mənfi təsir göstərilməyəcək”.
ABŞ qanunvericiliyinə uyğun olaraq xarici siyasət idarəsi tərəfindən verilən bu razılaşmaların yerinə yetirilməsinə icazə alınıb. Vaşinqton administrasiyası artıq qəbul edilmiş qərarlar barədə Konqresə məlumat verib. ABŞ qanunverici hakimiyyət qolunun razılaşmaları incələmək və onları mümkün bloklama üçün 30 günü var.
