"Real Madrid" Vinisiusun Səudiyyə Ərəbistanına mümkün satışı ilə bağlı mövqeyini açıqlayıb
"Report" xəbər verir ki, bu barədə İspaniyanın "Relevo" nəşri məlumat yayıb.
Mənbənin sözlərinə görə, klub mediada yaranan xəbərlərdən narahatdır, lakin sakitliyini qoruyur. Belə ki, Vinisiusun "Real Madrid"lə müqaviləsi 2027-ci ilə qədərdir.
Daha əvvəl Vinisius Juniorun "Real Madrid" ilə müqaviləsini uzatmaqdan imtina etməsi və Səudiyyə Ərəbistanı klublarının oyunçuya konkret transfer marağı ilə bağlı məlumatlar yayılıb.
Onun Madrid klubu ilə hazırkı müqaviləsi 2027-ci ilin yayında başa çatacaq. “Real” onunla müqaviləni uzatmaq istəyir, ancaq hələlik yeni anlaşma ilə bağlı razılığa gələ bilməyib.
24 yaşlı forvard İspaniya çempionatının cari mövsümündə 17 oyun keçirib, 8 qol vurub və 5 məhsuldar ötürmə edib.
