Fox News: Tramp Türkiyəyə F-16 satışı sövdələşməsinin tamamlanmasına təşəbbüs göstərir
“Report” xəbər verir ki, bu barədə “Fox News Digital” telekanalı iki mənbəyə istinadən məlumat yayıb.
Tramp F-16 tədarükü üzrə sazişin tamamlanmasına kömək etməyə hazır olduğunu bildirib və tərəflər Türkiyənin silahlanmasında olan Rusiya S-400 zenit-raket sistemlərinin neytrallaşdırılması barədə razılığa gələrsə, Ankaraya F-35 qırıcılarının satışını istisna etməyib. “Bu, [S-400] avadanlığının qismən sökülməsini və ya ABŞ-nin nəzarətində olan bazaya köçürülməsini əhatə edə bilər”, – telekanalın mənbələri qeyd edib.
Türkiyəyə qarşı sanksiyalar Vaşinqton tərəfindən onun Rusiya S-400-lərini almasından sonra tətbiq edilib ki, bu da ABŞ və onun NATO üzrə müttəfiqlərində narahatlıq doğurub. F-35-lərin satışı dondurulub və Türkiyə bu təyyarələrin istehsalı proqramından çıxarılıb. Ankara dəfələrlə Rusiya S-400-lərindən istifadədən imtina etmək niyyətində olmadığını bəyan edib.
