Məhv edilmiş erməni komandirinin yerinə dezertir təyin edilib
- 1-10-2020, 13:16
- Siyasət
Madagizdə yerləşən 6-cı dağatıcı alayın komandiri və onun müavini Azərbaycan Ordusunun bölmələrinin artilleriya atəşinə məruz qalıb və ağır yaralı olaraq sıradan çıxarılıblar. ''Azad Səs'' “Qafqazinfo”-ya istinadən xəbər verir ki, sözügedən hərbi hissə komandirinin yerinə 10-cu dağatıcı diviziyanın komandir müavini Gevorg Mangalaryan təyin edilib.
Qeyd edək ki, G.Mangalaryan 2016-cı il aprel döyüşləri zamanı döyüş meydanını özbaşına tərk etdiyi üçün ciddi şəkildə cəzalandırılıb. Lakin sonradan yüksək rütbəli qohumlarının müdaxiləsi nəticəsində yenidən bəraət qazanıb və müvafiq vəzifəyə təyin edilib. Məlumdur ki, Mangalaryan komandanlığın etimadını qazanmayıb, əsgərlər və kiçik zabitlər arasında nüfuzu yoxdur.
