Azərbaycanda bu tarixdə iri ticarət mərkəzləri və "Mall"ar açılacaq - AÇIQLAMA
- 5-01-2021, 10:57
- Cəmiyyət
Xəbər verdiyimiz kimi yanvarın 4-də gündəlik koronavirusa yoluxanların sayı 334-ə düşüb.Qeyd edək ki, ölkə ərazisində yanvarın 18-nə kimi sərtləşdirilmiş karantin rejimidir. Yanvarın 18-nə kimi bu azalma dinamikası davam edərsə, iri tircarət mərkəzləri və "Mall"ar açıla bilərmi?Bununla bağlı Sonxeber.az-a danışan deputat Müşfiq Cəfərov bildirib ki, yanvarın 18-nə kimi verilmiş qərar qüvvədədir:
"Bayram günlərində Bakıya giriş-çıxışa nəzarət gücləndirilmişdir. Bunun də çox müsbət nəticəsi oldu. Belə ki, insanlar rayonlara getməyib, bayramı öz evlərində qeyd etdi. Yanvarın 18-nə kimi hesab edirəm gündəlik yoluxma sayı 2 rəqəmliyə qədər düşəcək. Çünki gündəlik yoluxmaların sayı 4000-dən 300-ə düşdü. Bu da ortalama 7-8 dəfə azalma deməkdir. Növbəti 10 gündə gündəlik yoluxma sayı iki rəqəmliyə düşə bilər.
Yoluxanların sayı iki rəqəmliyə düşdüyü halda yenidən yumuşalmalara gedilə bilər. Düşünürəm ki, 18-nə kimi azalma bu templə davam edərsə, iri ticarət mərkəzlərinin açılması əvvəlki şərtlərlə mümkün ola bilər. Əgər yanvarın 18-dən sonra rəqəmlər ürəkaçan olarsa müəyyən qaydalarla, yaydakı qaydalarla iri ticarət mərkəzləri fəaliyyətə başlaya bilər. Əlbəttə "Mall"arda yeməkxanalar və əyləncə mərkəzləri işləməmək şərti ilə. Əsasən mağazalar fəaliyyət göstərə bilərlər".
