Azərbaycan - Fransa Ticarət və Sənaye Palatasından xalqa təbrik
- 13-11-2020, 15:52
- Cəmiyyət
''Azad Səs'' Oxu.az-a istinadən xəbər verir ki, bu barədə Azərbaycan - Fransa Ticarət və Sənayə Palatasının yaydığı məlumatda qeyd olunub.
Azərbaycan - Fransa Ticarət və Sənaye Palatası Azərbaycan xalqını Dağlıq Qarabağ müharibəsinin bitməsi və nəhayət, Azərbaycan Respublikasının ərazi bütövlüyünün bərpa edilməsi münasibətilə təbrik edir.
Uzun illər vətənindən ayrı düşmüş məcburi köçkünlərin yaxın zamanda öz evlərinə qayıda bilməsi çox sevindiricidir. Palata hər zaman Azərbaycan Respublikasının ərazi bütövlüyünü dəstəkləyib və Azərbaycan xalqının haqlı mübarizəsinin yanında olub (CCIAF-in 7 oktyabr tarixli bəyanatı).
Azərbaycan xalqına layiqli qələbə qazandıran hərbi qulluqçularımıza göstərdikləri şücaətə görə dərin minnətdarlığımızı bildiririk.
Azərbaycan-Fransa Ticarət və Sənaye Palatası həm birinci, həm də ikinci Qarabağ müharibəsində şəhid olan hərbçilərin və mülki vətəndaşların ailələrinə baş sağlığı verir. Həmçinin, üzv şirkətlərimizdə çalışmış şəhidləri hörmətlə anır, kollektivlərinə və ailələrinə baş sağlığı veririk.
Azərbaycan-Fransa Ticarət və Sənaye Palatası Azərbaycanda qeydiyyatdan keçmiş və 60-dan çox beynəlxalq və yerli üzv şirkətin maraqlarını təmsil edən müstəqil qeyri-hökumət təşkilatıdır.
Palata heç bir ictimai və ya beynəlxalq təşkilatı təmsil etmir, həmin təşkilatların bir hissəsi deyil.
