İtaliyada Somalidən olan şəxs avtobusda insanlara hücum edib: Yaralılar var

İtaliyanın Adriatik dənizi sahilində yerləşən Rimini şəhərində silahlı hücum baş verib.

Somalidən olan miqrant avtobusdakı iki qadın nəzarətçiyə, ardınca isə biri uşaq olmaqla daha üç nəfərə hücum edərək onlara bıçaqla xəsarət yetirib.

Hücumu həyata keçirən şəxs daha sonra avtobusdakı insanları girov götürməyə cəhd edib.

Təxminən bir saatdan sonra polis kişini saxlayıb.

Hələlik xəsarət alanların səhhəti barədə məlumat verilmir.

Mənbə: “RİA Novosti”