İran XİN: “SEPAH-ın hərbi təlimləri Cənubi Qafqazdakı qonşularına qarşı yönəlməyib”
- 24-10-2022, 20:39
- Dünya
İran İslam İnqilabı Keşikçiləri Korpusunun (SEPAH) Qərbi Azərbaycan vilayətində keçirilən təlimləri Cənubi Qafqazda qonşu ölkələrə qarşı yönəlməyib.Bu barədə İran Xarici İşlər Nazirliyinin sözçüsü Nasser Kənani həftəlik mətbuat konfransında bildirib.
“Silahlı qüvvələrimizin bölgədəki təlimləri heç bir qonşu dövlətə (Cənubi Qafqazda) qarşı yönəlməyib... İranın hərbi təlimləri ilə bağlı bildiriş almalı olanlar artıq bunu alıblar və yenidən alacaqlar”, - deyə Kənani bildirib.
Xatırladaq ki, oktyabrın 17-də İran İslam İnqilabı Keşikçiləri Korpusu Araz çayı ərazisində quru qoşunlarının hərbi təlimlərinə başlayıb. Manevrlər bir neçə gün davam edib.
