Braziliyanın yeni prezidentinin adı BİLİNDİ
- 31-10-2022, 08:43
- Dünya
Braziliyada keçirilən prezident seçkilərinin ikinci turunda Luiz İnasiu Lula da Silva qalib gəlib.Oktyabrın 30-da Braziliyada prezident seçkilərinin ikinci turu çərçivəsində səsvermə 9 saat davam edib.
Səslərin 99,01 faizinin hesablanmasının nəticələrinə görə, Lula da Silva 50,84 faiz, onun rəqibi, ölkənin hazırkı prezidenti Jair Bolsonaro isə 49,16 faiz səs toplayıb.
Jair Bolsonaro seçkilərin nəticələri məlum olduqdan sonra oğlu Flavio ilə birlikdə Alvorada sarayına (iqamətgahı) çəkilib və nazirləri görmək istəmir.
Həmçinin, məğlubiyyətdən sonra Bolsonaro heç bir açıqlama verməyib.
Qeyd edək ki, Fəhlə partiyasının nümayəndəsi Luiz İnasiu Lula da Silva 2003-2011-ci illərdə Braziliya prezidenti olub.
