İsrailin baş ravvini dövləti xilas etmək üçün ölkəyə immiqrasiyanı azaltmağa çağırıb

İsrailin baş ravvini David Landau mühafizəkar qanunvericiləri İsrailə immiqrasiyanı azaltmaq üçün ölkənin Qayıdış Qanununa dəyişiklik etməyə çağırıb.

O, qanunda xüsusilə yəhudilərin nəvələrinə İsrail vətəndaşlığı almağa icazə verən maddənin ləğv edilməsinin tərəfdarıdır.

Landau belə bir bəyanatla Nyu-Yorkda Çabad-Lubaviç emissarlarının illik Beynəlxalq Konfransında çıxış edib.

“On il əvvəl mən İsrail Dövlətini bir yəhudi dövləti olaraq qorumaq üçün Qayıdış Qanununda bu üçüncü nəsil səhvini düzəltməyə cəhd etməyi xahiş etdim”, - deyə ravvin bəyan edib.

Hələlik, Qayıdış Qanunu yəhudi nənə, yaxud babası olan insanlara və onların həyat yoldaşlarına İsrailə köçmək, eləcə də ölkə vətəndaşlığını almaq hüququ verir.