Eriksenin oyunlarda iştirakı ilə bağlı açıqlama verilib
İtaliya Futbol Federasiyası Elmi-Texniki Komitəsinin üzvü Françesko Brakonaro Danimarka millisi və “İnter” klubunun futbolçusu Kristian Eriksenin gələcək karyerası ilə bağlı açıqlama verib.“Radio Kiss Kiss”in efirində çıxış edən Brakonaro bəyan edib ki, A Seriyasında Eriksenə ürəyindəki defibrilyatorla oynamağa icazə verilməyəcək.
O, qeyd edib ki, əgər bu aparat çıxarılarsa, o zaman heç bir problem olmayacaq.
Xatırladaq ki, AVRO-2020-nin Danimarka-Finlandiya oyununda huşunu itirən Eriksenin ürəyinə implant kardioverter-defibrilyator yerləşdirilib.
