SOCAR Türkmənistanın neft-qaz şirkətləri ilə birgə əməkdaşlığı müzakirə edib - FOTO
- 29-11-2022, 19:20
- İqtisadiyyat

Görüşdə Azərbaycan və Türkmənistan arasında müxtəlif sahələrdə, o cümlədən enerji sektorunda qarşılıqlı əməkdaşlıq əlaqələrinin uğurla inkişaf etdiyi vurğulanıb.
Görüş çərçivəsində SOCAR ilə “Türkmənqaz” və “Türkmənnebit” Dövlət Konsernləri arasında səmərəli əməkdaşlıqdan məmnunluq ifadə edilib, tərəflər arasında xam neftin emalı, ticarəti, nəqli və digər sahələrdə əməliyyatların müvəffəqiyyətlə həyata keçirildiyi qeyd edilib.
Görüşdə, həmçinin mövcud və perspektiv imkanlar müzakirə edilib, birgə əməkdaşlığa dair müxtəlif məsələlər ətrafında fikir mübadiləsi aparılıb.

