Ticarət Palatasının sədi: Belçika Baş nazirinin Bakıya səfəri ikitərəfli ticarətin inkişafında yeni mərhələdir

Belçikanın Baş naziri Aleksandr De Kronun BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək üçün Azərbaycana səfəri iki ölkə arasında ticari-iqtisadi əlaqələrin möhkəmləndirilməsi üçün mühüm təkan olub.

Bunu “Report”a müsahibəsində Belçika-Azərbaycan Ticarət Palatasının (“Belgazercom”) təsisçisi və sədri Stef Qoris bildirib.

S.Qoris vurğulayıb ki, bu, Belçika hökumət başçısının Bakıya ilk rəsmi səfəri olub: "Belçika üçün COP29-da iştirak son dərəcə vacib idi. Baş nazirimiz Aleksandr De Kro tədbirdə iştirak etdi və Azərbaycan Prezidenti İlham Əliyevlə görüşdü. Bu, Belçikanın Baş nazirinin Azərbaycana ilk səfəri idi və bu baxımdan COP29 ölkəmiz üçün əsas rol oynayıb".

O ehtimal edib ki, liderlərin görüşündə qarşılıqlı ticarət və biznesin inkişafı məsələlərinə xüsusi diqqət yetirilib: “Baş nazirlə bizim üçün stimul olan görüşdən sonra belə qərara gəldik: “Gəlin Ticarət Palatasından başlayaq, çünki hökumət həqiqətən də bu əlaqələrin yaxşılaşdırılmasında və gücləndirilməsində maraqlıdır”. Axı təşəbbüslər təkcə hökumətlərdən deyil, həm də hər iki tərəfdən işgüzar dairələrdən gəlməlidir”.

Müsahibənin tam mətni ilə buradan tanış ola bilərsiniz.