Neftçalada qanunsuz odlu silah gəzdirən şəxs tutuldu
- 18-08-2020, 11:26
- Kriminal

Bununla bağlı Daxili İşlər Nazirliyinin Mətbuat Xidməti məlumat yayıb.
Bildirilib ki, Neftçala RPŞ-nin əməkdaşları tərəfindən daxil olmuş məlumat əsasında keçirilən əməliyyat tədbiri nəticəsində üzərində qanunsuz olaraq odlu silah gəzdirməkdə şübhəli bilinən rayonun Bankə qəsəbə sakini Anar Məmmədov saxlanılıb.
Keçirilən şəxsi axtarış zamanı A.Məmmədovun üzərindəki “LLAMA” markalı tapança və həmin silaha aid bir ədəd sandıqça aşkar olunaraq götürülüb.
Faktla bağlı Neftçala Rayon Polis Şöbəsində araşdırma aparılır.