Polşa müdafiə nazirinin müavini: Ölkə hibrid müharibə vəziyyətindədir
"Report"un Polşanın PAP xəbər agentliyinə istinadən verdiyi məlumata görə, bunu ölkənin müdafiə nazirinin müavini Sezari Tomçik deyib.
Onun sözlərinə görə, Polşanın bu gün üzləşdiyi “de-fakto hibrid müharibəsidir”.
Bunun təsdiqi kimi müdafiə nazirinin müavini Belarusla sərhəddəki vəziyyəti və Polşa ərazisinə uçan Rusiya meteozondlarını göstərib.
O əlavə edib ki, Polşada hər il təxminən beş min haker hücumu qeydə alınır.
Bundan əvvəl Polşa artilleriya sursatlarının alınması üçün irihəcmli müqavilə imzalayıb.
