Günorta yuxusu yaddaş və intellekti yaxşılaşdırır

Günorta yuxusu iş günü ərzində çox yorğun olan və kifayət qədər yuxu almaqda çətinlik çəkənlər üçün özünü bərpa etməkdən ötrü əla fürsətdir. Ancaq bu yuxu qısamüddətli olmalıdır.

Oxu.Az bu barədə mir24.tv-yə istinadən xəbər verir.

"Qısa yuxudan sonra gərginlik aradan qalxır, yaddaş, intellekt və digər psixi funksiyalar yaxşılaşır", - deyə rusiyalı nevroloq Maksim Pankov məlumat verib.

Onun sözlərinə görə, bəzi araşdırmalar sübut edib ki, gündüz yuxuları performans və aktivliyi artıra bilər. Həkim qeyd edib ki, gündüz yuxuları 30 dəqiqədən çox olmamalıdır. Bundan əlavə, kifayət qədər sakit və qaranlıq bir otaqda yatmalısınız və gün ərzində yorğunluq hiss etməmək üçün oyanışın düzgün mərhələsinə keçmək vacibdir.

Pankov qeyd edib ki, günorta elə vaxtda yatmaq lazımdır ki, axşam yuxusuna qədər səkkiz saat vaxt qalsın.