KİV: Avropa ölkələri Trampın mövqeyinə uyğun olaraq Ukraynaya münasibətini dəyişir
"Report" xəbər verir ki, bu barədə "Politico" qəzeti yazıb.
Qeyd olunub ki, Trampın Ukraynadakı münaqişəyə son qoymaq niyyəti ilə bağlı bəyanatları ilə əlaqədar Avropa liderləri “sülh danışıqlarında aparıcı rol oynamaq” istəyini nümayiş etdirirlər.
Nəşrin fikrincə, yeni strategiya bu həftə fevralın 14-dən 16-dək keçiriləcək Münhen Təhlükəsizlik Konfransında daha aydın şəkildə özünü göstərəcək. Qəzetin qiymətləndirməsinə görə, bu dəfəki tədbir Amerikanın əvvəlki lideri, demokrat Co Baydenin administrasiyasından fərqli şəkildə keçiriləcək. Əvvəlki konfransda ABŞ və müttəfiqləri Kiyevə lazım olan müddət ərzində dəstək verməyə hazır olduqlarını bildiriblər.
"Politico"nun mənbəsinin məlumatına görə, Ukrayna və ABŞ nümayəndələri konfransdan əvvəl uzunmüddətli təhlükəsizlik təminatlarını müzakirə ediblər.
