Kiyevdə üç ölkənin qərargah rəislərinin danışıqları başladı: Hərbi kontingent yerləşdirilir?
Oxu.Az-ın xəbərinə görə, bu barədə "Suspilne" nəşri öz mənbələrinə istinadən məlumat verib.
Məlumata görə, qərargah rəisləri səviyyəsində keçirilən görüş zamanı Ukrayna ərazisində hərbi kontingentin mümkün yerləşdirilməsinin müzakirəsi nəzərdə tutulub.
Jurnalistlərin bildirdiyinə görə, Fransa nümayəndə heyətinə general Tyerri Burkhardt, Britaniya nümayəndə heyətinə isə admiral Toni Radakin başçılıq edir. Danışıqlar çərçivəsində Ukrayna komandanlığının nümayəndələri ilə görüşlər, həmçinin Ukrayna Prezidenti Volodimir Zelenski ilə danışıqlar planlaşdırılır.
"Onların səfərlərinin məqsədi Ukraynada xarici kontingentin yerləşdirilməsi imkanlarını müzakirə etməkdir", - deyə nəşrin jurnalistləri qeyd ediblər.
Xatırladaq ki, bir sıra Qərb KİV daha əvvəl Avropadan xarici qoşun qruplarının tezliklə Ukraynaya gələcəyini bildirmişdi.
