Tramp NASA-nın rəhbəri vəzifəsinə yeni namizədi tezliklə açıqlayacağını bildirib

ABŞ Prezidenti Donald Tramp ABŞ Milli Aeronavtika və Kosmik Fəzanın Tədqiqi İdarəsinin (NASA) direktoru vəzifəsinə yeni namizədi tezliklə elan etmək niyyətindədir.

“Report” xəbər verir ki, bu barədə ABŞ Prezidenti Donald Tramp “Truth Social” sosial şəbəkəsində bildirib.

“Mən Jared Ayzekmanın NASA başçısı vəzifəsinə namizədliyini geri çəkirəm”, – deyə Tramp qeyd edib. “Tezliklə Amerikanı kosmosda birinci yerə qoyacaq yeni namizədi elan edəcəyəm”, – o vurğulayıb.