Koronavirusu ağır formada keçirənlərdə bir il sonra yüz faiz immunitet formalaşır
Koronavirusa qarşı istehsal olunan anticismlər yeni ştammlara qarşı işləmir.Mk.ru xəbər verir ki, bunu Yokohama Universitetindən bir qrup yapon alimi bildirib.
Onlar 21-78 yaş arasındakı 250 insan üzərində təcrübə aparıblar.
Təcrübənin bütün iştirakçıları birinci dalğada, yəni keçən ilin fevralından aprelə qədər COVID-19 xəstəliyindən əziyyət çəkiblər.
Xəstəliyi yüngül və ya orta dərəcədə məruz qalanlar anticismlərin 96-97% -ni saxlayıblar. Ağır formada keçirənlərin isə bir il sonra yüz faiz immuniteti olub.
Ancaq eyni araşdırma bu insanların mutasiya edilən virusa qarşı müdafiəsiz olduqlarını göstərib. Anticismlər ona təsir etmir.
Cənubi Afrika və Hindistan ştammlarına müqavimət demək olar ki, 50 faiz azalır. Və yalnız 15-20 faiz “Britaniya” və “Braziliya” ştammlarına müqavimət göstərə biləcək.
Tədqiqatçılar xəstəliyin qarşısını almağın yeganə yolunun peyvəndləmə olması qənaətinə gəliblər. Bu, xüsusilə də xəstəliyi yüngül keçirən gənclər üçün lazımdır.
