Zelenski ABŞ Konqresinə müraciət edəcək
- 14-03-2022, 18:46
- Dünya
Ukrayna Prezidenti Volodimir Zelenski martın 16-da ABŞ Konqresinə müraciət edəcək.“Azadsəs.az” xəbər verir ki, ABŞ Konqresinin Nümayəndələr Palatasının spikeri Nensi Pelosi və Senat çoxluğunun lideri Çak Şumer Konqres üzvlərinə məktub göndərib.
“Ukrayna Prezidenti çərşənbə günü, martın 16-da səhər saat 9:00-da Senat və Nümayəndələr Palatasının birgə iclasında Konqres üzvləri qarşısında çıxış edəcək”, - məktubda deyilir.
Bundan başqa, məktubda ABŞ-ın Ukrayna xalqına verdiyi dəstəyin davam edəcəyi vurğulanıb.
