azadses.az » Siyasət » “Caliber”: “İrəvan Moskvanın təhriki ilə Brüsseli neytrallaşdırır”

“Caliber”: “İrəvan Moskvanın təhriki ilə Brüsseli neytrallaşdırır”

Ermənistan Azərbaycanla sülh gündəliyindəki məsələlərin həllini yubatmaqda davam edir.

Caliber.Az yazır ki, aprelin 6-da prezident İlham Əliyevlə baş nazir Nikol Paşinyan arasında Brüsseldə keçirilən görüşdə aprelin sonunadək iki komissiyanın - demarkasiya və delimitasiya, habelə sülh müqaviləsi üzərində iş üzrə müvafiq qrupların yaradılması barədə razılıq əldə olunub.


Bildiyiniz kimi, Azərbaycan hər iki komissiyanı formalaşdırıb, Ermənistan isə hələ də vaxtı uzadır. Belə ki, Ermənistan Respublikası iki dəfə sərhədin delimitasiyası ilə bağlı görüşlərin keçirilməsindən imtina edib. Baxmayaraq ki, hər iki dəfə özü sərhəddə görüş keçirməyi təklif edib: Əvvəlcə 29 aprel, sonra isə 7-11 may tarixlərində.

Prezident İlham Əliyev çərşənbə günü, mayın 18-də Bakıda Litva Prezidenti Gitanas Nauseda ilə danışıqların yekunlarına dair çıxışı zamanı ictimaiyyətin diqqətini Ermənistanın bu siyasi manevrinə cəlb edib.

O, qeyd edib ki, Bakı İrəvanın işə başlamaq üçün hər hansı bir yeni tarixi açıqlamasını gözləyir və lakin bu məsələdə məsuliyyətli yanaşmaya ümid edir.

Dövlət başçısı Ermənistanın üzərinə düşən öhdəlikləri bir daha xatırladıb, İrəvanın indiki hakimiyyətini sağlam düşüncəyə və münaqişədən sonrakı dövrün yeni reallığını adekvat dərk etməyə çağırıb.

Maraqlıdır ki, delimitasiyası ilə bağlı danışıqlar Ermənistan baş nazirinin Moskvaya səfərindən sonra sərhədlərin dalana dirənib. Putin-Paşinyan danışıqlarında Rusiya, Ermənistan və Azərbaycan liderləri arasında Qarabağla bağlı 2020-ci il 10 noyabr, 11 yanvar və 26 noyabr tarixli sazişlərin icrası müzakirə edilib.

Ermənistanla Azərbaycan arasında sərhədlərin demarkasiyası ilə bağlı sonrakı danışıqların baş tutmaması bu prosesin Rusiya tərəfindən mümkün əngəllənməsi ilə bağlı müəyyən fikirlərə səbəb olur. Bütövlükdə Kremlin tapşırığı ilə hərəkət edən, lakin daim Qərbə baxan İrəvan üçün istənilən ssenari faydalıdır ki, bu da indiki halda sərhədlərin delimitasiyasının və ümumiyyətlə, Bakı ilə münasibətlərin normallaşması prosesinin qarşısını alır.

Heç kimə sirr deyil ki, Rusiya Avropanın Ermənistan-Azərbaycan münasibətlərinin həlli istiqamətindəki vasitəçilik səylərindən heç bir halda məmnun deyil və bunu Cənubi Qafqazdakı proseslərə müdaxilə kimi qiymətləndirir. Bu prosesə nəzarət Moskvanın xarici siyasətinin preroqatividir. İndiki geosiyasi şəraitdə - Rusiya ilə Qərb arasında ciddi qarşıdurma şəraitində Moskva Avropaya regionda öz üstünlüyünü nümayiş etdirir, öz təsir zonasını və öz maraqlarını aydın şəkildə müəyyən edir. Mahiyyətcə Rusiyanın forpostu olan Ermənistan Brüssel razılaşmalarını pozmaqla, Avropanı aldatmağa çalışır və bununla da öz gələcəyini Aİİ-yə daha da möhkəm bağlayır.
Digər tərəfdən, Ermənistanda indiki ağır daxili siyasi vəziyyətdə Paşinyanın başqa alternativi və başqa yolu yoxdur. Ermənistanı bürüyən və birbaşa hakimiyyət dəyişikliyinə yönələn etiraz aksiyaları Paşinyanı kor-koranə Kremlin diktəsinə əməl etməyə vadar edir. Beləliklə, Avropanın vasitəçiliyi ilə əldə olunan razılaşmaları pozan Paşinyan hakimiyyətini saxlamaq üçün Moskvadan dəstək almağa çalışır. Ermənistanın baş nazirinin ilk gündən əməl etməyə çalışdığı qərbyönlü kursa baxmayaraq, onun Ermənistanı qərbin qanadı altına almaq cəhdləri baş tutmayıb. Belə ki, Qərb yoxsul və perspektivsiz Ermənistani deyil, Cənubi Qafqazın lider ölkəsi, gələcək perspektivdə Avropanın enerji təhlükəsizliyini təmin etməyə qadir olan Azərbaycanla uzunmüddətli və qarşılıqlı faydalı əlaqələr qurmağa üstünlük verir. Bakının həyata keçirdiyi və Avropa qitəsinin böyük marağına səbəb olan irimiqyaslı nəqliyyat layihələrini xatırlatmaq kifayətdir. Ona görə də təəccüblü deyil ki, Avropa regionun təhlükəsizliyini və sabitliyini təmin etmək, eləcə də sülhün bərqərar olması üçün bütün səylərini əsirgəmir və Ermənistanı həyati əhəmiyyətli nəqliyyat kommunikasiyalarını açmağa məcbur edir. Bütün bu məqsədlər həm Avropanın, həm də Azərbaycanın maraqlarına cavab verir. Ermənistan faktiki olaraq müstəqil dövlət kimi özünü gözdən salıb və bu gün artıq Qərbdə Rusiyanın Qafqazdakı quberniyası kimi qəbul edilir.

Öz növbəsində Rusiyanın Ermənistana qarşı bütün siyasi təzyiq rıçaqları var, lakin onları Qərbə vermək niyyətində deyil. Buna görə də Paşinyanın dövlət başçısı kimi namizədliyi Rusiyaya kifayət qədər uyğun gəlir. Və bu da başa düşüləndir. Axı, güclü siyasi iradəyə malik olmayan, lakin regional və beynəlxalq siyasətdə diplomatik uğursuzluqlarla ad çıxaran şəxsin idarə etdiyi dövləti manipulyasiya etmək daha asandır.
DAHA ÇOX XƏBƏRLƏR
Ən çox oxunanlar
  1. Sumqayıtda baş verən avtomobil qəzasında xəsarət alan qadınların vəziyyəti açıqlanıb - YENİLƏNİB
  2. Oğurladığı pulla qohumunun təhsil haqqını ödədi - İlk iş günündə cinayət
  3. Vətəndaşlara 300 min manat zərər vurmaqda şübhəli bilinən “avtomobil idxalçısı" həbs olunub
  4. Ölkə ərazisində yağıntılı və küləkli hava davam edir
  5. Rusiya vətəndaşı Bakıda avtoqəza törədib, ölən var
  6. Azərbaycana dəyəri 100 min manatdan çox olan qızıl-zinət əşyaları keçirməyə cəhd edən qadınlara hökm oxunub
  7. Vətəndaşların bank kartlarından ötən gün 9 min manata yaxın pul oğurlanıb
  8. Azərbaycan insan alverinə görə 11 nəfəri İnterpol xətti ilə beynəlxalq axtarışa verib
  9. FHN: Ötən həftə ərzində 156 yanğına çıxış olub, 2 nəfərin meyiti tapılıb
  10. Həftəsonu vətəndaşların bank kartlarından 13 min manatdan çox pul oğurlanıb
Bütün xəbərlər
Ərdoğan: “İlham Əliyev Türkiyədən iki ədəd “Togg” elektromobili almaq üçün sifariş verib”
Ərdoğan: “İlham Əliyev Türkiyədən iki ədəd “Togg” elektromobili almaq üçün sifariş verib”
Azərbaycan Prezidenti İlham Əliyev Türkiyənin yerli istehsalı olan “Togg” elektromobilini almaq üçün sifariş verib. Türkiyə Ətraflı
Bütün xəbərlər
Bakıda iki məktəb direktoru nöqsanlara görə işdən çıxarılıb
Bakıda iki məktəb direktoru nöqsanlara görə işdən çıxarılıb
Paytaxt məktəblərində monitorinqlər davam etdirilir. Bu barədə "Report"a MÜTDA-dan məlumat verilib. Bildirilib ki, Ətraflı
Bu gün bütün məktəblərdə 6-cı siniflərin monitorinqi keçiriləcək
Bu gün bütün məktəblərdə 6-cı siniflərin monitorinqi keçiriləcək
Bu gün ölkə üzrə bütün dövlət ümumi təhsil müəssisələrində VI siniflərin monitorinqi keçiriləcək. "Report" xəbər verir Ətraflı
Bütün xəbərlər
«    May 2025    »
BeÇaÇCaCŞB
 1234
567891011
12131415161718
19202122232425
262728293031 
Şou biznes
Rayan Qoslinq "Ulduz müharibələri"nin yeni buraxılışında baş rolda oynayacaq
Rayan Qoslinq "Ulduz müharibələri"nin yeni buraxılışında baş rolda oynayacaq
Bred Pitt və Ancelina Coli 8 illik məhkəmədən sonra boşandılar
Bred Pitt və Ancelina Coli 8 illik məhkəmədən sonra boşandılar
Bred Pitt 30 yaş balaca sevgilisi ilə toyunu təxirə saldı: Səbəb təəccübləndirdi
Bred Pitt 30 yaş balaca sevgilisi ilə toyunu təxirə saldı: Səbəb təəccübləndirdi
Kirkorov Uspenskayaya təzminat ödəyəcək
Kirkorov Uspenskayaya təzminat ödəyəcək
“Titanik”in məşhur mahnısının müəllifi vəfat edib
“Titanik”in məşhur mahnısının müəllifi vəfat edib
Bred Pitt qızı ilə münasibətlərini düzəltmək istəyir
Bred Pitt qızı ilə münasibətlərini düzəltmək istəyir
Sovet kinosunun əfsanəsi Svetlana Svetliçnayanın səhhəti ilə bağlı şok qərarı
Sovet kinosunun əfsanəsi Svetlana Svetliçnayanın səhhəti ilə bağlı şok qərarı
İbrahim Tatlıseslə qızı arasındakı qalmaqal böyüyür: "Evimə basqın etdi, söyüşlər yağdırdı"
İbrahim Tatlıseslə qızı arasındakı qalmaqal böyüyür: "Evimə basqın etdi, söyüşlər yağdırdı"
Məşhur cütlük boşanmağa qərar verdi: Ben Afflekin hansı hərəkəti Cennifer Lopesin ürəyini qırıb?
Məşhur cütlük boşanmağa qərar verdi: Ben Afflekin hansı hərəkəti Cennifer Lopesin ürəyini qırıb?
ABŞ məhkəməsi aktyor Alek Balduinə qarşı iddianı rədd edib
ABŞ məhkəməsi aktyor Alek Balduinə qarşı iddianı rədd edib