Finlandiya prezidenti Tramp və Zelenskiyə danışıqlardan əvvəl saunaya getməyi tövsiyə etdi
- 4-03-2025, 14:00
- Dünya
Oxu.Az-ın xəbərinə görə, Finlandiya Prezidenti Aleksandr Stubb "Bloomberg TV"yə müsahibəsində siyasətçilərə belə bir məsləhət verib.
Finlandiya liderinin sözlərinə görə, bəzi situasiyalarda ictimai diplomatiya nəticə vermir və belə vəziyyətdə finlər kimi davranmaq lazımdır.
"Dərindən nəfəs almaq, soyuq vanna qəbul etmək, saunaya getmək, hava almaq və danışıqlar masası arxasına qayıtmaq", - deyə Stubb tövsiyə edib.
Onun fikrincə, Tramp və Zelenski Ukrayna nizamlanması üzrə danışıqların yeni raundunu keçirməli və nadir torpaq metalları üzrə sazişi imzalamalıdırlar.
Finlandiya prezidenti hesab edir ki, belə bir razılaşma sülh danışıqlarına və atəşkəsə doğru addım ola bilər.
