Çin BMT Sivilizasiyalar Alyansının Qlobal Forumuna ev sahibliyi edə bilər
- 10-06-2025, 09:42
- Dünya
"Report" xəbər verir ki, bu barədə Çin xarici işlər naziri Vanq Yi iyunun 10-da ilk Beynəlxalq Sivilizasiyalararası Dialoq Gününə həsr olunmuş tədbirin iştirakçılarına video müraciətində bildirib.
"Sivilizasiyalar arasında dialoq vasitəsilə biz qlobal problemlərin həlli üçün müdriklik əldə edə və modernləşmə yollarını genişləndirə bilərik. Çin 2028-ci ildə Qlobal Forumun keçirilməsi imkanını nəzərdən keçirməyə və sivilizasiyalar arasında dialoq ilə məşğul olan BMT strukturlarına töhfə verməyə hazırdır", - Vanq Yi bildirib.
Onun sözlərinə görə, sivilizasiyalar arasında dialoq xalqları və mədəniyyətləri birləşdirən dostluq körpüsüdür.
Vanq Yi vurğulayıb ki, belə dialoq fikir ayrılıqlarını aradan qaldırmağa, ortaq dəyərlər tapmağa və qarşılıqlı anlaşmanı gücləndirməyə kömək edir: “Xalqların öz inkişaf yolunu və sosial quruluşunu seçmək hüququna hörmət etmək, "sivilizasiyaların toqquşması" nəzəriyyəsini rədd etmək, daxili işlərə müdaxilənin əleyhinə çıxmaq, birtərəfli hərəkətlərə və güc siyasətinə qarşı durmaq, ədaləti və bərabərliyi qorumaq lazımdır. Ыüni intellekt də daxil olmaqla texnologiyaların bəşəriyyətin xeyrinə xidmət etməsinə çalışmalıyıq”.
